وداعاً جدي

جِدّي ... يا نَسمي دافيي بعزّ الشِّتي
وعُمُر ع كتافك حِمِلْ ... وطَلّة فَتي

يا مِدماك البيت وْلَحِن البَرَكي المِنْتِهي
جيتْ ورحت ع السِّكَيْت مِتل التّين المِسْتِوي

يا جَلّ نَبَّتْ عطر ... وخِفّي صارت مدرَسي
يا حجر مقصَّبْ مال الدِّني بْ فَيّو ينحِني

يا ساكِت وهدوءَك ما بيشبَع حَكي
يا كاس انرَفَع وتأفّى ع طاوْلي مْزَنيّي

دَخْلْ بياض الشعر والإيد إلْ كِلْها عاطِفي
ليش رِحِتْ وتركتنا ... مش انت هاك الخِلّ الوَفي؟ 

سهيل