زهر التوبي

(بعد وفاة جدّة صديق)


لما النِّدر زَهَّر التَّوبي بحديقِةِ الايام
وصار الورد يخشع عَ مْزار الأيادي
طلّ الزمن من عمر انتسى واختصر الكلام
انا كبّيت بالمرج انسان زَهّر عطر من سَكْرِةِ الوادي

ولِمْ سأل رب الجهل عن هاك الانسان
وصارت عيون العمى تزرف دمع حامي
طلّ الزمن جندي بالنصر حِلمان
وقال إل رحل بِقيان ولو مِحيوا الأسامي

ولَفّ الحزن هالدار وبكيت جْراس المغيب
وسالت دموع الأسى من عين السّعادي
والكِشك يشتاق للإيدين والمشمش يبكي الحبيب
سِتّي مَرئِت بالمرج إنسان زهّر عطر من سَكرِةِ الوادي

سهيل